Chlaushöck 2013

Thomas Gassner

Chlaushöck 2013

De Chlaushöck vom TVS isch en Hit,
bim Start bliebt mer mit Turnüebige auf fit.
Nachher macht mer en Spaziergang bi -4 Grad,
bis d`Blanca im Rössli isch parat.

Mit 46 Turnerinne und Turner hät mer`s Rössli gfüllt,
d`Blanca häd fascht dure drüllt…
S`Esse isch würkli hervorragend gsi,
au de offerierti Dessert vo de Wirtin bi me ne Glesli Wii.

Natürlich het de Chlaus und de Schmutzli nöd törfe fehle,
d`Anja sett ihre Chopf nöd nur bruche zum strehle.
Sie vergisst amigs ihri tüür Uhr und s`Natel i de Halle,
das tuet am Chlaus überhaupt nöd gfalle!

Es sind no viel Sache passiert,
wo de Chlaus und Schmutzli händ verwirrt.
Aber mer hät au über viel Lüt chöne Guets sege,
die Persone mues mer speziell pflege.

Zum Schluss het de Andrin no müesse Liegestütze mache,
s ganze Publikum het er obe ohni bracht zum lache.
Für die Leischtig uf em Tisch hets en Lokalrundi ge,
jede het defür en Jägermeister vom Chlaus törfe ne.

Es isch en glatte Abig im Rössli gsi,
de Chlaushöck isch au scho wieder verbi.
Applaus, Applaus de Blanca i de Rössli-Beiz,
es isch en Alass gsi mit speziellem Reiz.