100. Geburtstag Meinrad Gwerder
2. Dezember 2014
Chlaus und Vereinsmeisterschaft Jugi 5
19. Dezember 2014
Thomas Gassner
Chlaushöck 2014
I dem Jahr hät mer müesse wiit laufe,
bis mer en chalte Moscht hät chöne chaufe.
I de Rossberg-Beiz zoberst obe,
hät sich de Chlaus und Schmutzli chöne ustobe.
Zerst händ mir aber es sehr feins Fondue chöne esse,
da händ mir doch fascht d Ziit ganz vergesse.
Scho häts nämmli klopfet a de Tür und mer isch verschrocke,
da isch ja de Chlaus und de Schmutzli de alti Socke.
Die zwei händ wider viel Gschichtli gwüsst z brichte,
nur hät de Chlaus dän amigs wieder müesse schlichte.
Will de Schmutzli sini Fitze hät tüchtig füregno,
und d Virginia doch tatsächlich hät Angst becho.
De Schmutzli meints ja amigs nöd bös und lacht,
und hät sinere lieblings Frau Claudia Merci-Schoggi überbracht.
Au de Chlaus isch eigentlich en liebe Maa,
hät er doch für alli wo händ müesse fürecho es Gschänkli gha.
De Döme hät zum Bispiel en Apfel und es Bier übercho,
won er natürlich gern hät zue sich gno.
Es Pack Kondom hät öpper müesse in Empfang nä und debie lache,
wett mer doch im Usland nüt läbigs müesse mache.
Nach de Gschichtli vom Chlaus hät mer scho gli de Rossberg verlaa,
will mer de Zug in Schindellegi zum heifahre hät gna.
Es isch en schöne, lässige Chlausabig gsi,
drum isch de Bricht jetzt au scho wieder verbii.
