Velo Ralley 2016
2. Oktober 2016
Turnfahrt Aktive 2016
2. Oktober 2016
Gret Däppeler
Frauenriege-Reise 2016
«Liebe Turnerinnen», so lautete die Einladung zur Frauenriegen-Reise: «Unsere Reise am 2./3. September führt ins Bündnerland. Wir fahren mit dem Zug und dem Postauto und werden am 1. Tag eine leichte Wanderung von ca. 3–3½ Stunden machen. Bitte nehmt dafür ein Picknick mit.»
Jetz isch s grosse Rate a gange. Isch es Vals? De Zug und s Postauto würdet stimme. Dass sie nüt vo de Badhose schriebt? E liechti Wanderig vo 3–3½ Stund. Bernadette isch fit, wie meint sie das?
Es gaht los
12 Turnerinne händ sich welle überrasche la und fahred mit em Zug Richtig Chur. Umstiege i die Räthischbahn. «Öises Rate würdi stimme!» Versam – Usstiege, s Gepäck wird verlade. De Kafihalt isch planet gsi. S Restaurant hät e chli komischi Öffnigszite gha, drum hämer de Kafi i de andere Beiz gna. Mir laufed los dur die romantischi Schlucht. S Rusche vom Rhi, die markante Felse «ohni Winnetu», en Dachshag, s Dunnschtig-Kafi, Rhabarbere-Sirup und vieles meh, das alles hämer gse.
Z Vals hämer scho villi gmüetlichi Stunde verbacht. «Weisch na . . .? Grossvater, Lampe, Nei, Nei, Nei, Vögeli, Lift, das alles sind schöni Erinnerige wo mer nüme vergässed.
S Liftfahre im Hotel isch das Jahr intressant: Ufe, abe, ufe, abe, bitte Usstiege!
Höhewanderig zur Hängela-Hütte
Am zweite Tag bringt öis d Gondelbahn zur Gadastatt. Wieder bi schönem Wätter laufed mer los. E schöni Höhewanderig füehrt öis zum gmüetliche Bergbeizli «Hängela-Hütte». «Müend nüt bstelle, es isch alles organisiert. Oh, danke Bernadette».
Die letschti Etappe: Endziel Schnyder in Vals. Vill gahts dur de Wald, au na «s Schmusi-Wägli» hämer känne glehrt. Sind alli z friede, aber au stolz im Kafi Schnyder acho.
Bernadette, für alles recht herzliche Dank, mir händs gnosse und de Plausch gha: «Dini 11 Kumpeli».
