Jassturnier 2023

Jannis Reichenstein

Jassturnier 2023

S diesjährige Jassfestival mal nöd in Montreux,
sondern i de Dürsene “je suis curieux”!

Ich versuechs mal mit par Jassusdrück.
wünsched mir bi dem Vorhabe vill Glück.

Das Turnier findet im April und nöd öppe im Oktober statt,
Ich bin mer ganz sicher, de Ahlass wird glatt.
Jung und Alt spilled a dem Abe,
en Schieber inklusive une ufe und obe abe.
Slalom gits e keine,
ussert bim heilaufe meined die eine.
Bim Coiffeur simmer au alli gsi,
drumm lömmer de au grad sii.

Die neue Jasskönige oder Königinnen 2023 werdet gsuecht,
Debi wird bim Jasse weder gschnurrt no gfluecht.

10 Pärli spilled, nün nähmed sich vor de letschtjährige Sieger in acht,
denn nöd für siebe, sondern nur für sächs Persone händs Priise gmacht

Chum ahgfange, scho hets gschälled,
die grose Pizzas sind da, er het sich anetraut trotz em Hund wo dusse bälled.
Gässe wird direkt vom Bläch.
Die eine hend dPizza lieber nur mit Gmües, well mit Ananass gaht gar nöd und de Schinken seg Zäch.

DLändlermusig gaht de eine scho gli uf dStöck,
sie losed lieber New School oder Hardröck.

Bim heilaufe gseht de Buur no die eine,
er frögt sini Frau “seg mal schillt dä?”, sie seit “ja, mer chönnts meine!”

Aber chömmemer jetzt zu de Gwünner vo dem Abe,
die chönd grad für es Foti ahtrabe.

Reto und Michi heissed die beide,
Sie fiired de Sieg aber blibed ganz bescheide.
De Lars und Benjamin schaffeds uf de 2. Platz,
gfolgt vo de Renée und Helen uf em 3. Platz.

Zum Schluss woti no de Organisatore Benj und Michi schmeichle, sie hend das super gmacht,
und wieder en usglassene und tolle Jassabig anebracht.